- Advertisement -

طريقة عمل سمودي

0

سموذي
شكرا هلبا للناس الدوق الراقية علي كلامها الحلو
الطريقة فيه هلبا طرق كل حد شن يحب الفكرة فاكهة سواء مجمدة او طازة اني نفضل نجمدها و تنضرب في الخلاط معاها يا ياغورت يا كريم فرش و تلج مجروش اني اكتر شي نحبه جيلاطي مع الفواكه فدرت جيلاطي مع فراولة و شوية مية و السكر حسب كيف تحبوا و نفس الفكرة للمشماش طبعا خليته خاتر باش جي طبقات و صحتين
كلاكيت للمرة التانية للناس الي تحب التفاصيل
خديت باكو الفراولة او الحوض او البانيو المهم الابيض هداكا الي يبيعوا فسطه الفراولة
خديتها نظفتها كووويس و قرضتها و رشيت عليها سكر شوية متع زوز كواشيك كبار و حطيتها في كيسة و حطيتها في الفريز بعد ما جمدت طلعتها فتركتها و حطيتها في الخلاط معاها اربعة خمسة كواشيك كباار معبياات جيلاطي نكهة الفراولة و شوية مية و ضربت بالخلاط بعدها وقفت دقت حلاوته و الحلاوة كل حد كيف ما يحب الي يحب الحلو يزيد سكر و صبي في طواسي و نفس الفكرة للمشماش غر درتله جيلاطي نكهة فانيليا طبعا خليتها خاتر ما كترتش مية باش يجي طبقات و التزيين حسب الرغبة زينت بكريمة و طروف شكلاطة و صحتين

Komentarze
Loading...