- Advertisement -

طريقة الكسكسي الليبي بالحوت

0

طريقة الكسكسي الليبي بالحوت
تاخدي طنجره تحطي فيها زيت وكتري زيت وتخليه يسخن تحطي فلفل اخضر اقليه وقيمي حطي طماطم حكة وتكوني مدايره ثومه وكمون حوت اهرسيهم مع بعض وحطيهم مع طماطم الحكة في الزيت وحطي راس حوته وملح وفلفل احمر واسود وخليها جو خمسه دقايق بعدين ضيفي ميه لي نص طنجره وخليها تغلي
الكسكسي تبوخيه علي ميه عاديه وبعدين سقيه بالمرقه متاعك تكون نزلت طبعا و وتت وبعدين بوخيه تاني مش يجيك احلى
والحوت اني قليته احلى ديريله تومه وملح وكمون حوت وليم وحطيه في الدقيق واقلي
ومش تزيني الكسكسي مكعبات بطاطا وبتنجان وكوسا اقليهم وحطيهم فوقه وصحه

Komentarze
Loading...