طريقة عمل تورته في طنجرة بدون فرن

0 5

كعكه في طنجره

طريقه

طريقة كيكه نفسها ، 6 دحيات معا كوب سكر و ظرف فانيليا تضربيهم لمدة 20 او 15 دقيقه و بعدين تحطي 3 كواشيك كبار زيت لترطيب كيك و بعدين ضيفي عليهم كوب دقيق منخول 3 مرات و 3 ملاعق كاكاو منخول 3 مرات برضو و تحركي من فوق ل لوطه من غير خفق يعني تحريك بس و بعدين يا تدهني طنجره ب زيت و دقيق او تحطي فيها ورقه زبده اني دهنت قاعده و حطيت ورق زبده من جوانب و صبيت خليط كيك و ع كوشه و ع حسب كوشتك اني كوشه متاعي كهرباء مش غاز تقريبا قعدت 45 دقيقه عشان ف طنجره و كل شوية نطلع فيها نشوف فيها ب موس ف نص نحطه و نطلعه و خليط مزال او خلاص طاب و طفيت كوشه و خليتها باقي 15 دقيقه صهد بس من غير ما كوشه والعه .
و بعدين طلعتها خليتها تبرررد ع راحتها بكل .
تطلع من طنجره بكل سهوله متخافوش .
قصيتها ب موس منجر يعني زي موس خضره عشان كيكه خفيفه و اي غلطه ب ورطه .
قصيها ع حسب طبقات يلي تبيهم انتي و تكوني موتيه حشوات متاعك و ترجعي تحطيها ف طنجره ثاني ب طبقه مثلا اني درت طبقه كيكه و طبقه نوتيلا و بندق و طبقه كيكه و طبقه شانتي و كيندر و طبقه كيكه و طبقه نوتيلا و بندق ثاني ،و هكذا ، طبعا من جوانب حشوه لازم ديري كريم شانتي عشان نوتيلا متطلعش برا او حشوتك يلي تحب دير باستتر او اي حشوه ثانيه او فواكه و هكذا .
بالنسبه لطريقه كريم شانتي
اني كل كوبين شانتي ياخدو كوب او كوب و ربع ميه مصقققعه و ع حسب كميتك .
بالنسبه للقناش يلي فوق عباره ع علبه قشطه و ملعقتين نوتيلا و انتي تتحكمي ف قوام ردي بالك يثقل منك هلبا
تحطي حمام مائي ع نار فيه صونيه تحطي فيها علبه قشطه تحركيها شوية حسيتيها بدت تسخن حطي ملعقتين نوتيلا و حركي كويس .
بالنسبه للتلبيس لبستها طبقه شانتي رقيقه ف بداية و رجعتها للفريز 10 دقايق و طلعت لبستها ثاني .
و اني حطيت طبقات و حطيتها لليله كامله ف ثلاجه و ثاني يوم قلبتها من طنجره و زينتها
و بس بالصحه عليكم .

Get real time updates directly on you device, subscribe now.

Komentarze
Loading...

This website uses cookies to improve your experience. We'll assume you're ok with this, but you can opt-out if you wish. AcceptRead More